Kuabudu Ekaristi Takatifu: Kuabudu Ekaristi ni tendo la kiroho ambapo waumini wanatulia mbele ya Ekaristi iliyowekwa wazi kwenye altare na kumwabudu Yesu Kristo aliye katika umbo la mkate. Parokia yetu ina vipindi maalum vya kuabudu Ekaristi ambapo waumini wanaweza kutumia muda wao kwa maombi ya kimya, tafakari, na kuzungumza na Mungu.
Ibada na tafakari nyingine: Mbali na kuabudu ekaristi kwa ukimya, tunafanya pia ibada za pamoja kwa vikundi mbalimbali zikijumuisha nyimbo za kuabudu, sala za tafakari, na sala nyingine za novena. Ibada hizi ni muhimu kwa kuimarisha imani na ushirika wa waumini na Mungu.